Erba’ partitarji ta’ Udinese li abbużaw b’mod razzista lill-goalkeeper ta’ Milan, Mike Maignan, ġew sospiżi għal għomorhom mill-club tas-Serie A. Il-logħob ġie sospiż għal ftit ħin f’partita tal-kampjonat fl-20 ta’ Jannar meta Milan ħallew il-ground wara li ġibdu l-attenzjoni tar-referee bl-abbuż.
L-erba’ partitarji huma wkoll sospiżi mill-grounds Taljani kollha għal ħames snin, ħabbret il-pulizija Taljana. Udinese qalu li estendew dan għal sospensjoni għal għomorhom minn Stadio Friuli.
“Udinese jistgħu jikkonfermaw li ddentifikaw erba’ individwi oħra relatati mal-inċident ta’ diskriminazzjoni lejn il-player ta’ Milan, Mike Maignan,” qal il-club fi stqarrija nhar l-Erbgħa. “Dawn l-individwi se jkunu sospiżi wkoll mill-Bluenergy Stadium (Stadio Friuli) għal għomorhom.
Nhar it-Tnejn, Udinese kkonfermaw li partitarju ieħor kien ġie sospiż għal għomru waqt li l-club ġie ordnat ukoll jilgħab partita waħda bil-bibien magħluqa.
