Real Madrid mistennija jegħlbu l-isfida ta’ Tottenham Hotspur u eventwalment jaċċertaw li jiksbu l-firma tad-difensur ċentrali żagħżugħ Dean Huijsen. Dan tal-aħħar għandu 19-il sena li bħalissa qed jilgħab ma’ Bournemouth fl-Ingilterra.
Diversi gazzetti Spanjoli qed jgħidu li Huijsen hu objettiv primarju ta’ Los Blancos u se jagħmlu minn kollox sabiex jiksbu s-servizzi tiegħu.
Huijsen ħareġ mill-akkademja ta’ Juventus u apparti Bournemouth lagħab ukoll ma’ Roma fuq bażi ta’ self.
