Hibernians …..1
Hamrun S. …..2
Minn Cristian Muscat
Bl-aktar mod meritat, Hamrun Spartans għelbu lil Hibernians bl-iskor ta’ 2-1 liema rebħa setgħet kienet akbar li kieku l-Ħamruniżi kienu aktar preċiżi.
Hamrun għamlu l-intenzjonijiet tagħhom cari mal-ftuħ tal-partita u mal-kwarta logħob fetħu l-iskor meta RAPHAEL LOPES SILVA approfitta minn indeciżjoni fid-difiża ta’ Hibernians u mill-viċin bl-aktar mod faċli xeħet fix-xibka.
L-Ispartans komplew jiddettaw il-logħob u fid-29 minuta, Lui Talison Barbosa, kellu xutt fil-baxx pjuttost dgħajjef biex il-goalkeeper, Hugo Sacco, salva mingħajr wisq tbatija.
Il-Ħamruniżi komplew jiddettaw il-logħba u fis-36 minuta, Ryan Camenzuli ttanta xortih permezz ta’ xutt mid-distanza li għadda jħakkek ma’ sieq il-wieqfa, b’Hibernians jeħilsuha ħafif.
Huma komplew jippressaw u fit-43 minuta Lui Talison Barbosa venven kanunata li ħarġet l-aħjar tal-goalkeeper Pawlist li dawwar f’corner.
Minuta wara, l-istess Sacco kien providenzjali għal Hibernians li salva b’diffikultá fuq żewġ tentattivi.
Fl-54 minuta, Hamrun rebħu penalty meta Sacco fit-tentattiv li jinterċetta l-ballun waqqa’ lil Lui Talison Barbosa fil-kaxxa. Mill-11-il metru, LUKE MONTEBELLO xeħet lill-goalkeeper Sacco fuq in-naħa opposta.
Iżda kontra x-xejra tal-logħob u proprju fl-ewwel azzjoni perikoluża li ħolqu l-Pawlisti, fit-63 minuta, huma naqqsu l-marġni tal-iskor meta minn azzjoni ta’ corner, l-attakkant Arġentin FEDERICO FALCONE mill-viċin xeħet fix-xibka.
Dan il-goal kiesaħ u biered ġiegħel lill-Ħamruniżi jwettqu reazzjoni u hekk għamlu fil-71 minuta meta Raphael Lopes Silva, evita d-daħla ta’ difesur avversarju, u b’xutt fil-baxx minn pożizzjoni ideali kellu t-tentattiv tiegħu jistampa ma’ sieq il-wieqfa.
Peró, huma qatt ma kienu fil-periklu li setgħu jitilfu xi punti.
HIBERNIANS: 30-Hugo Sacco, 4-Alfred Silas, 8-Rodrigo Khevin Farga (6-Lucas Caruana 86), 10-Jurgen Degabriele, 11-Bjorn Kristensen, 14-Dexter Xuereb, 20-Federico Falcone, 21-Alex Bruno da Silva Souza (7-Lucas Villela Lapert 75), 22-Ilias Apostolos Martinis, 23-Matthew Ellul (18-Lyon Abela 91), 99-Gabriel Higor Alves Fernandes (44-Pedro Henrique Nunes Silva 85) – Coach: Branko Nisevic
HAMRUN S.: 1-Henry Bonello, 4-Steve Borg, 7-Luke Montebello (29-Abdoul Amoustapha 72), 8-Lui Talison Barbosa (9-Chris Ondong 77), 10-Joseph Essien Mbong, 14-Elionay Freitas Da Silva, 20-Jovan Cadenovic, 27-Ognjen Bjelicic, 91-Emerson Marcelina, 94-Ryan Camenzuli, 99-Raphael Lopes Silva – Coach: Alessandro Zinnari
REFEREE: Malcolm Spiteri
ASS. REFEREES: Mark Ciantar, Vasil Vasilev
RABA’ UFF: Trustin Farrugia Cann
SKORERS: R. Lopes Silva 15, L. Montebello pen. 55 (HS), F. Falcone 63 (H)
AMMONITI: D. Xuereb, K. R. Fraga, A. B. De Souza Silva (H), E. F. Da Silva, L. Montebello, R. Lopes Silva, J. E. Mbong (HS)
Rebħa meritata għal Hamrun S. fuq Hibernians
Hibernians …..1
Hamrun S. …..2
Minn Cristian Muscat
Bl-aktar mod meritat, Hamrun Spartans għelbu lil Hibernians bl-iskor ta’ 2-1 liema rebħa setgħet kienet akbar li kieku l-Ħamruniżi kienu aktar preċiżi.
Hamrun għamlu l-intenzjonijiet tagħhom cari mal-ftuħ tal-partita u mal-kwarta logħob fetħu l-iskor meta RAPHAEL LOPES SILVA approfitta minn indeciżjoni fid-difiża ta’ Hibernians u mill-viċin bl-aktar mod faċli xeħet fix-xibka.
L-Ispartans komplew jiddettaw il-logħob u fid-29 minuta, Lui Talison Barbosa, kellu xutt fil-baxx pjuttost dgħajjef biex il-goalkeeper, Hugo Sacco, salva mingħajr wisq tbatija.
Il-Ħamruniżi komplew jiddettaw il-logħba u fis-36 minuta, Ryan Camenzuli ttanta xortih permezz ta’ xutt mid-distanza li għadda jħakkek ma’ sieq il-wieqfa, b’Hibernians jeħilsuha ħafif.
Huma komplew jippressaw u fit-43 minuta Lui Talison Barbosa venven kanunata li ħarġet l-aħjar tal-goalkeeper Pawlist li dawwar f’corner.
Minuta wara, l-istess Sacco kien providenzjali għal Hibernians li salva b’diffikultá fuq żewġ tentattivi.
Fl-54 minuta, Hamrun rebħu penalty meta Sacco fit-tentattiv li jinterċetta l-ballun waqqa’ lil Lui Talison Barbosa fil-kaxxa. Mill-11-il metru, LUKE MONTEBELLO xeħet lill-goalkeeper Sacco fuq in-naħa opposta.
Iżda kontra x-xejra tal-logħob u proprju fl-ewwel azzjoni perikoluża li ħolqu l-Pawlisti, fit-63 minuta, huma naqqsu l-marġni tal-iskor meta minn azzjoni ta’ corner, l-attakkant Arġentin FEDERICO FALCONE mill-viċin xeħet fix-xibka.
Dan il-goal kiesaħ u biered ġiegħel lill-Ħamruniżi jwettqu reazzjoni u hekk għamlu fil-71 minuta meta Raphael Lopes Silva, evita d-daħla ta’ difesur avversarju, u b’xutt fil-baxx minn pożizzjoni ideali kellu t-tentattiv tiegħu jistampa ma’ sieq il-wieqfa.
Peró, huma qatt ma kienu fil-periklu li setgħu jitilfu xi punti.
HIBERNIANS: 30-Hugo Sacco, 4-Alfred Silas, 8-Rodrigo Khevin Farga (6-Lucas Caruana 86), 10-Jurgen Degabriele, 11-Bjorn Kristensen, 14-Dexter Xuereb, 20-Federico Falcone, 21-Alex Bruno da Silva Souza (7-Lucas Villela Lapert 75), 22-Ilias Apostolos Martinis, 23-Matthew Ellul (18-Lyon Abela 91), 99-Gabriel Higor Alves Fernandes (44-Pedro Henrique Nunes Silva 85) – Coach: Branko Nisevic
HAMRUN S.: 1-Henry Bonello, 4-Steve Borg, 7-Luke Montebello (29-Abdoul Amoustapha 72), 8-Lui Talison Barbosa (9-Chris Ondong 77), 10-Joseph Essien Mbong, 14-Elionay Freitas Da Silva, 20-Jovan Cadenovic, 27-Ognjen Bjelicic, 91-Emerson Marcelina, 94-Ryan Camenzuli, 99-Raphael Lopes Silva – Coach: Alessandro Zinnari
REFEREE: Malcolm Spiteri
ASS. REFEREES: Mark Ciantar, Vasil Vasilev
RABA’ UFF: Trustin Farrugia Cann
SKORERS: R. Lopes Silva 15, L. Montebello pen. 55 (HS), F. Falcone 63 (H)
AMMONITI: D. Xuereb, K. R. Fraga, A. B. De Souza Silva (H), E. F. Da Silva, L. Montebello, R. Lopes Silva, J. E. Mbong (HS)
