Il-kowċ tat-tim nazzjonali tal-Kamerun, Rigobert Song, ħabbar il-lista ta’ plejers li ġew mgħajta għaż-żewġ partiti ta’ ħbiberija kontra r-Russja u s-Senegal tal-ġimgħa d-dieħla.
Fost il-plejer mgħajta hemm il-goalkeeper Andre Onana li bħalissa qed jilgħab ma’ Manchester United. Dan tal-aħħar ma tantx sejjer tajjeb ma’ dan il-klabb wara sensiela ta’ żbalji, l-aħħar wieħed li kien fatali għar-Red Devils hekk kif tilfu l-logħba tagħhom kontra Galatasaray fil-UEFA Champions League.
Song tkellem dwar dan kollu fejn qal li Onana hemm bżonn jingħata fiduċja u jinsab ċert li se jagħtu risposta lil kulħadd.
