Roberto De Zerbi jidher li jista’ jitlaq lil Tottenham Hotspur jekk ir-riżultati ma jitjiebux, minkejja li l-club nefaq madwar €365 miljun fuq players ġodda fis-suq tat-trasferimenti.
Tottenham bdew l-istaġun b’mod diżappuntanti ħafna, hekk kif għadhom ma kisbu l-ebda rebħa u lanqas skorjaw goal fil-Premier League.
Wara telfiet kontra Brentford u Newcastle u draw kontra Nottingham Forest, it-tim jinsab qrib il-qiegħ tal-klassifika.
De Zerbi diġà wera frustrazzjoni u ħalla x’jifhem li jista’ jitlaq jekk hu jitqies bħala l-problema. Huwa qal li, jekk ikun hu l-ostaklu għas-suċċess, ikun lest jitlaq u jirrinunzja l-kuntratt tiegħu.
Dan ifakkar f’dak li ġara meta kien kowċ ta’ Marseille, fejn kien esprima wkoll dubji dwar il-futur tiegħu qabel telaq mill-club.
Issa Tottenham għandhom ġimgħa importanti b’logħbiet kontra Everton, Aston Villa u Liverpool.
Ir-riżultati ta’ dawn il-logħbiet jistgħu jkunu kruċjali għall-futur ta’ De Zerbi. Il-club jidher li għad għandu fiduċja, iżda pressjoni kbira tista’ tinqala’ jekk it-team jibqa’ mingħajr goals u rebħiet.
