Juventus qed jaħdmu qatigħ tul dan ix-xahar ta’ Jannar sabiex iġibu lejn Turin xi plejers li jistgħu jsaħħu lit-tim. Bħalissa d-direttur sportiv Cristiano Giuntoli qed jaħdem sabiex iġib lil Ronald Araujo mingħand Barcelona. Dan tal-aħħar għandu 25 sena u jilgħab kemm bħala difensur ċentrali kif ukoll fuq in-naħa leminija tal-grawnd. Hu deher 107 darbiet mal-klabb Katalan u skorja seba’ gowls.
Il-kowċ Thiago Motta jixtiequ miegħu għax irid isaħħaħ sew id-difiża li xi kultant mhux dejjem qed tkun tajba.
