Il-leġġenda Brażiljana Ronaldinho għamel ritorn spettakolari fil-futbol fl-età ta’ 46 sena, hekk kif lagħab ma’ Ravenna fid-derby kontra Forlì, aktar minn 11-il sena wara l-aħħar dehra kompetittiva tiegħu.
L-eks stilla ta’ Barcelona u AC Milan beda l-partita bħala titolari, liebes il-flokk numru 10, u rċieva merħba mill-isbaħ mill-partitarji preżenti fl-Istadium Bruno Benelli.
Ronaldinho lagħab l-ewwel taqsima kollha u kellu sehem fl-azzjoni li wasslet għall-ewwel goal ta’ Ravenna permezz ta’ Giulio Donati fis-36 minuta. It-team tiegħu kompla jirbaħ 2-0, b’Simone Rabbi jiskorja t-tieni goal fit-58 minuta.
Wara l-partita, il-Brażiljan esprima s-sodisfazzjon tiegħu għal dan ir-ritorn u ma eskludiex aktar dehriet bil-flokk ta’ Ravenna.
