Il-kowċ Wayne Rooney ġie mneħħi mit-tmexxija ta’ Plymouth Argyle wara li t-tim baqa’ jitlef logħba wara l-oħra. Il-bilanċ tal-eks plejer ta’ Everton u Manchester United hu ta’ ħames rebħiet, sitt draw u 14-il telfa f’25 partita. It-tim jinsab fl-aħħar post tal-klassifika meta għanu 18-il punt.
Fi stqarrija, Plymouth irringrazzjaw lil Rooney tas-servizz li ta lejn il-klabb u awgurawlu għall-futur.
