Meta kien qed jitkellem ma’ ġurnalista mis-Senegal, l-attakkant Sadio Mane fisser kemm jinsab għal qalbu jilgħab fl-Arabja Sawdija ma’ Al Nassr. Kuntrarju għal dak li qalu Jordan Henderson u Karim Benzema, hu qal li l-futbol f’dan il-pajjiż qed jiżviluppa u jinsab eċitat għal iktar esperjenzi sbieħ.
L-eks attakkant ta’ Liverpool qal li għajnejn is-segwaċi tal-futbol fid-dinja huma kollha fuq l-Arabja Sawdija u l-iżvilupp mgħaġġel li sar sabiex dan il-pajjiż ikompli jkollu l-aqwa kampjonat fid-dinja.
