Bejn l-4 u s-7 ta’ April, Badminton Malta se torganizzza edizzjoni oħra tat-Tournament Internazzjonali fil-Kumpless tal-isport tal-Cottonera.
F’din l-edizzjoni se jieħdu sehem 210 player minn 35 pajjiż.
Is-selezzjoni Maltija immexxija mill-coach nazzjonali, Matthew Haynes u magħżula skont ir-ranking dinji, hija komposta minn Sam Cassar, Matthew Abela, Mark Abela, Nigel Degaetano u Samuel Cali flimkien ma’ Francesca Clark, Elenia Haber, Martina Clark, Anne Marie Bezzina u Lauren Azzopardi.
Il-programm jikkonsisti f’ħames kategoriji – singles, irgiel u nisa, doubles irġiel u nisa kif ukoll mixed doubles.
L-aħħar edizzjoni tat-Tournament internazzjonali kienet fl-2022 meta dakinhar kien ġie organizzat wara nuqqas bejn l-1993 u l-2021.
