Raġel ta’ 41 sena mill-Gudja ġie kkundannat sentejn ħabs wara li fil-Qorti ammetta li ffroda kważi €10,000 lil 13-il persuna.
Quddiem il-Qorti ppreseduta mill-Maġistrat Donatella Frendo Dimech, Victor Lofreda kien mixli li wettaq dan il-frodi bejn Mejju 2016 u Marzu 2019.
Minbarra s-sentejn ħabs, il-Maġistrat Donatello Frendo Dimech ordnatlu wkoll iħallas lura l-ammonti dovuti fi żmien tliet snin minn meta jsib impjieg.
Lofreda kien ordnat sabiex isegwi programm ta’ trattament għal perjodu ta’ tliet snin, biex jindirizza l-vizzju tal-logħob li għandu.
Il-prosekuzzjoni f’dan il-każ tmexxiet mill-Ispettur Sarah Kathleen Zerafa.
