Nhar is-Sibt, 17 ta’ Settembru 2022 mis-6:00 p.m. ‘il quddiem, il-Kumitat Soċjali fi ħdan is-Soċjetà Mużikali Madonna tal-Ġilju, l-Imqabba, se jkun qed jorganizza ‘Festa Familja’ ġewwa Misraħ il-Fidwa, fl-Imqabba, biswit il-bandli ‘Onġi Onġella’.
Din l-attività differenti u divertenti ser tikkonsisti f’tiżwieqa ta’ ikel tradizzjonali, xorb, logħob għat-tfal, kantanti, bejgħ ta’ oġġettii u bosta attivitajiet oħra għal kulħadd; kollox f’ambjent ta’ festa tradizzjonali Maltija!
Din l-attività hija għall-familja kollha. Aktar informazzjoni tinkiseb fuq 79539542 jew fuq is-sit elettroniku tas-Soċjetà Mużikali Madonna tal-Ġilju www.talgilju.com.
