Serge Gnabry irrifjuta ċ-ċans li jiffirma kuntratt ġdid ma’ Bayern Munich, bil-futur tal-attakkant fl-Allianz Arena issa qed jitqiegħed f’dubju.
Il-player ta’ 26 sena reġa’ kien player importanti għaċ-champions tal-Bundesliga matul l-istaġun 2021-22, fejn skorja 16-il goal u rreġistra 10 assists fi 43 dehra fil-kompetizzjonijiet kollha.
Gnabry fadallu biss ftit aktar minn sena biex fil-kuntratt tiegħu ma’ Bayern, madankollu, u kien hemm għadd ta’ spekulazzjonijiet dwar il-futur tiegħu matul l-aħħar xhur.
Tottenham Hotspur ġew marbuta mal-internazzjonali Ġermaniż, filwaqt li Arsenal huma wkoll maħsuba li qed jikkunsidraw li jagħmlu tentattiv biex iġibuh lura mal-club.
Bayern offrew lill-attakkant iċ-ċans li jirdoppja s-salarju tiegħu għal ċifra ta’ madwar £14-il miljun.
Il-ftehim il-ġdid propost se jpoġġi lill-Ġermaniż flimkien ma’ Kingsley Coman u Leroy Sane bħala il-players bl-ogħla salarji fl-Allianz Arena, iżda huwa mifhum li Gnabry ma jqisx il-pakkett tal-pagi bħala prijorità.
