Meta tintlagħab is-26 ġurnata tas-Serie A, l-attenzjoni prinċipali tkun immirata fuq iż-żewġ timijiet li jinsabu fil-quċċata tal-klassifika hekk kif Inter qed jixħtu pressjoni kbira fuq il-leaders Napoli li għandhom vantaġġ ta’ żewġ punti.
Peró, teżisti possibbiltá kbira li kollox se jibqa’ kif inhu hekk kif dawn iż-żewġ timijiet m’għandhomx ifallu meta Napoli jmorru jilagħbu kontra Como filwaqt li Inter jospitaw lil Genoa.
Como v Napoli – Napoli jimmiraw li jirritornaw għar-rebħ meta jmorru fin-naħa ta’ fuq tal-Italja biex jilagħbu kontra Como, wara li fl-aħħar ħarġa tagħhom ġew miżmuma fi draw ta’ 2-2 kontra Lazio.
Il-pressjoni tinsab kollha fuq il-Partenopei iżda jekk wieħed iħares lejn il-kwadru kollu, huma għandhom vantaġġ psikoloġiku fuq Inter minħabba li ma jinsabu fl-ebda kompetizzjoni oħra u għaldaqstant jikkonċentraw biss fuq il-kampjonat.
Barra minn hekk huma jittamaw li ż-żewġ players, Scott McTominay u Romelu Lukaku, ikunu fl-aqwa forma possibbli.
Napoli se jkollhom jgħaddu mingħajr David Neres, Leonardo Spinazzola u Matthias Oliveira filwaqt li Como għandhom neqsin lil Alberto Moreno, Dele Alli u Sergio Roberto … kollha minħabba li qed jirkupraw minn injury.
Inter v Genoa– Iċ-champions Inter jilqgħu f’darhom lil Genoa wara li fi tmiem il-ġimgħa li għadda huma sfaw megħluba minn Juventus bl-iskor ta’ 1-0 li tista’ tkun ta’ detriment.
Għaldaqstant hija prijoritá li huma jiksbu t-tliet punti biex jibqgħu jisfidaw lil Napoli.
Min-naħa l-oħra, Genoa jinsabu xxamplati f’nofs il-klassifika u jinżlu għal din il-partita mingħajr l- ebda pressjoni.
Inter ma jistgħux jinkludu lil Filip Stankovic, Valentin Carboni, Raffaele Di Gennaro, Valentin Carboni u Martin Satriano.
Genoa għandhom barra lil Albert Gudmundsson, Morten Thorsby, Milan Badelj, Ruslan Malinovsky, Mario Balotelli u Sebastian Otoa.
Cagliari v Juventus – Trawmatizzati mill-eliminazzjoni mill-UEFA Champions League fit-telfa ta’ 3-1 kontra PSV Eindhoven, Juventus imorru jilagħbu għand Cagliari li huma fiżikament u mentalment friski.
Fil-veritá, din se tkun partita diffiċli għall-Bianconeri wara l-battikata li ħadu kontra l-Olandiżi minħabba li l-partita marret għall-ħin barrani.
Ma tkun l-ebda sorpriża li f’darhom, Cagliari, jirbħu xi punti.
