Wednesday, November 30, 2022

Raġel jirrapporta serqa li għamel hu stess

Aqra wkoll

Ħamruniż ta’ 36 sena li seraq minn dar mar f’għassa biex jirrapporta dak li kien għamel.

Nicholai Azzopardi, li kellu jidher għalih lill-Avukat Noel Bartolo, ammetta li fl-10 ta’ Settembru li għadda, minn appartament f’Ta’ Xbiex, seraq telefon ċellulari u ‘tablet’ b’dannu għal Isyanu Malik u Ogoke Chikadibia Cletus rispettivament.

Kien l-Ispettur Colin Sheldon li spjega lill-Maġistrat Yana Micallef Stafrace kif wara li ikkommetta s-serqa Azzopardi biegħhom biex ikollu flus għad-droga u mbagħad mar għamel rapport f’għassa.

L-imsemmija maġistrat qalet lill-akkużat li waqt li tapprezza li nidem minn dak li għamel affarijiet bħal dawn isiru biss minn żgħażagħ ta’ 15-il sena u mhux minn raġel tal-età tiegħu.
Fl-istess waqt li għalhekk sabitu ħati hija illiberatu bil-kundizzjoni li ma jagħmilx reat ieħor fi żmien sena.

Ekonomija

Sport