Illum, għall-ħabta tas-1.30pm, il-Pulizija ġiet infurmata b’inċident tat-traffiku f’Dawret il-Gudja, l-Gudja.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn mutur Honda XR250 misjuq minn raġel ta’ 34 sena residenti Ħal Għaxaq u Nissan Micra misjuqa minn raġel ta’ 36 sena residenti l-Gudja.
Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li sofra ġrieħi gravi.
L-investigazzjonijiet tal-Pulizija għadhom għaddejjin.
