Shaun Dimech jidher li jinsab qrib li jagħlaq kapitlu ma’ Birkirkara FC, hekk kif il-plejer hu mistenni jħalli lill-Istripes qabel l-istaġun li jmiss.
Sorsi qrib ix-xena tal-futbol Malti qed jindikaw li diversi timijiet fl-ogħla diviżjoni qed isegwu mill-qrib is-sitwazzjoni tal-plejer internazzjonali Malti, bil-ħsieb li jagħmlu pass għalih matul is-suq tat-trasferimenti.
Dimech, li fl-aħħar staġuni kien parti mill-iskwadra ta’ Birkirkara, ġibed l-attenzjoni permezz tal-wirjiet tiegħu u l-konsistenza fil-logħob tiegħu, fatt li jidher li qajjem interess minn aktar minn klabb wieħed.
Għalkemm sa issa għadu ma tħabbar xejn uffiċjalment dwar il-futur tiegħu, il-ġimgħat li ġejjin jistgħu jkunu deċiżivi biex jiġi determinat fejn se jkun qed jilgħab Dimech fl-istaġun li ġej.
