Sliema Wanderers iffirmaw lid-difensur internazzjonali Malti ta’ 29 sena, Cain Attard.
Attard beda l-karriera tiegħu fil-futbol fin-nursery tal-Melita qabel ingħaqad ma’ Pieta’ Hotspurs li magħhom iddebutta wkoll fil-Premier League fl-istaġun 2014/15. Attard imbagħad mar Birkirkara fl-2015 fejn qatta’ tmien snin qabel ma ngħaqad ma’ Os Belenenses fil-Portugall fis-sajf li għadda.
L-iffirmar ta’ Cain Attard isegwi dak ta’ membru ieħor tal-iskwadra nazzjonali ta’ Malta, Adam Magri Overend.
