“Sraqt ħafna qlub bil-ġenwinità u l-imħabba tiegħek”. Dan kien wieħed mill-kummenti li segwew l-aħbar tal-mewt ta’ Astriel Micallef.
Puttinu Cares esprimiet id-dieqa tagħha għat-telfa tiegħu u fakkret kif huwa għamel xhur sħaħ fl-appartamenti ta’ Puttinu fejn iddeskrivietu bħala żagħżugħ ferrieħi u mimli kuraġġ li lest li jgħin lil kulħadd.
Intant mijiet ta’ kummenti oħra taw il-kondoljanzi tagħhom lill-familja ta’ Astriel u fakkru wkoll fil-kwalitajiet sbieħ li għex matul ħajtu, anke fl-aktar żminijiet diffiċli.
