StartUp Festival Malta 2022 huwa avveniment li qed jittella għat-tieni sena konsekuttiva u din is-sena ser jkun qed jseħħ ġewwa Villa Bighi fil-Kalkara bejn it-13 u l-14 ta’ Ottubru – ix-xahar id-dieħel.
Kif esperjenzaw dawk li kienu magħna is-sena li għaddiet għal-ewwel avveniment, din ser tkun okkażjoni fejn l-startups u scale ups innovattivi li ibbenefikaw mill-inċentivi tal-Malta Enterprise imma wkoll ħafna kumpaniji oħrajn, flimkien ma stakeholders pubbliċi u privati u konsulenti tan-negozju jiltaqgħu bejniethom f’sessjonijiet ta’ networking u diskussjonijiet fuq l-istage prinċipali.
L-istartup festival huwa l-ikbar manifestazzjoni fiżika tal-isforzi kollha tagħna li ilna ngħamlu issa sa mill-2020 taħt is-sub brand StartInMalta fejn il-Malta Enterprise qed taqdi l-irwol ta’ punt ta’ riferiment għal-startups f’isem l-enitajiet differenti tal-Gvern.
Din is-sena ser nkunu qed nimbuttaw żewġ elementi partikolari. Elementi li fix-xhir u s-snin li għaddew ħareġ b’mod ċar li għandhom bżonn emfasi partikolari:
- Li nħeġġu iż-żgħażagħ jikkunsidraw l-imprenditorjat bħala karriera u li iktar minn hekk jkollhom ħsieb imprenditorjali
- Li nġibu investituti li forsi qatt ma ġew Malta biex jpoġġu bilqgħieda ma startups ibbażati f’Malta u jikkunsidraw jinvestu fihom.
Illum qed inneihdu wkoll il-programm uffiċjali fejn ser jkollna żoni differenti fit-terrazzin ta’ Villa Bighi li jgħati fuq il-Port il-Kbir.
- a.Taħlita ta’ eżibizzjoni ta’ startups u esperjenzi teknoloġiċi inkluż AR/VR, tgħalim dwar l-imprenditorjat permezz ta’ logħob diġitali u anke esperjenzi b’rabta ma NFTs etc.
- Kif għidna ser jkollna wkoll żona apposta għal-laqgħat bejn startups u business angel investors fejn kumpaniji li għandna f’Malta ser jkunu jistgħu jgħamlu pitching privat tal-ideat tagħhom f’sessjonijiet ta’ 20 minuta għal-kull pitch.
- Kif wkoll l-istage prinċipali fejn ser jkunu għaddejjin panels maħsuba b’konetnut frisk minn kelliema Maltin u wkoll element qawwi internazzjonali – b’ sessjonijiet maħsuba biex jispiraw lill dawk preżenti. Ser jkollna kelliema minn Palo Alto f’Kalifornja sat-Turkija, kelliema minn Helsinki sa Londra – fi kliem ieħor taħlita tajba u pont ma’ ekosistemi ta’ startups internazzjonali.
Biex wieħed jirreġistra biex jattendi għall-StartupFestival kull ma għandu jgħamel hu li jidħol fuq is-sit startinmalta.com