Il-Malta Premier League tilqa’ l-Modernizzazzjoni tal-Istadium Nazzjonali u l-proġett infrastrutturali fuq skala kbira bit-titlu – Belt tal-Futbol Ta’ Qali, bħala investiment f’waqtu u tant meħtieġ fil-futur tal-futbol Malti.
Inizjattivi ta’ din in-natura huma essenzjali biex jgħollu l-istandards, itejbu l-esperjenza tal-partitarji, u jsaħħu l-infrastruttura ġenerali tal-futbol f’pajjiżna.
Dan l-iżvilupp jikkumplimenta l-pjanijiet kontinwi tal-Malta Premier League biex tibni stadium ġdid, li jifforma parti minn viżjoni usa’ biex timmodernizza l-logħba lokalment u tipprovdi faċilitajiet li jirriflettu l-ambizzjoni u t-tkabbir tal-kampjonat.
Nistennew bil-ħerqa li naraw dan il-proġett jikkontribwixxi b’mod pożittiv għall-progress kontinwu tal-futbol Malti.