Tifel Għawdxi li ċċelebbra għeluq sninu fl-aħħar jiem iddeċieda li għal dan il-jum speċjali għalih jagħmel ġabra b’risq Puttinu Cares.
Fil-fatt, huwa talab lil dawk kollha li kienu beħsiebhom jagħtuh xi rigali għal għeluq sninu biex minflok jagħtu xi ħaġa tal-flus u b’hekk ikun jista’ jippreżentaha bħala donazzjoni lil Puttinu.
Huwa rnexxielu jiġbor €700, liema somma ġiet ippreżentata lil Carmel Camilleri li jmexxi l-għaqda ta’ Puttinu Cares f’Għawdex.
Min-naħa tagħhom Puttinu rringrazzjaw lil dan it-tfajjel tal-ġest nobbli tiegħu fejn ftakar fi tfal li huma fil-bżonn, fost l-oħrajn biex jagħmlu operazzjonijiet barra minn Malta.
