Bosta ġurnalisti Taljani qed jitkellmu dwar x’se jiġri ġaladarba jiskadi l-kuntratt tal-kowċ ta’ Juventus Massimiliano Allegri fis-sena 2025.
Ħafna qed isemmu lil Antonio Conte li jista’ jirritorna jmexxi lill-klabb wara 11-il sena għalkemm oħrajn qed imorru fuq manager emerġenti u dan hu Thiago Motta li tant sejjer tajjeb ma’ Bologna.
L-eks plejer ta’ Inter għandu 41 sena u ħafna faħħru l-mod ta’ kif qed imexxi lill-klabb li jinsab fl-ogħla skaluni tal-klassifika.
