Kollox lest għal wieħed mill-akbar avvenimenti fil-kalendarju tat-tiġrijiet taż-żwiemel f’Malta, hekk kif 12-il żiemel ewlieni tal-kategorija Premier jippreparaw biex jikkompetu għall-prestigjuża EquestriMalta President’s Cup.
Il-Ħadd, 8 ta’ Novembru 2026
4:25pm
Malta Equidrome, il-Marsa
Wara t-tiġrijiet ta’ kwalifikazzjoni u s-semifinali, il-pożizzjonijiet uffiċjali tat-tluq issa ġew ikkonfermati:
1 – In My Way Damgard
2 – Falko de Nouville
3 – Hermes Express
4 – Forrest Gump Set
5 – Farmer Keryvon
6 – Urban Africa
7 – Velvet Gio
8 – Enjoy The Game
9 – Bordeaux S
10 – Fameux Sax
11 – Idem Jihem
12 – Kool des Champs
Se jkun hemm premju rekord ta’ €12,500, b’€6,000 imorru għar-rebbieħ.
Dan il-kampjonat, li ġie introdott għall-ewwel darba fl-1992, qed jiġi sponsorjat minn EquestriMalta għas-sitt edizzjoni konsekuttiva. Ir-rebbieħ ta’ din is-sena se jieħu post DJ SPRITZ, iċ-champion tal-edizzjoni preċedenti.
L-avveniment se jsir taħt il-patroċinju tal-President ta’ Malta, l-Eċċellenza Tagħha Myriam Spiteri Debono, li se tattendi l-finali. Dan il-kampjonat prestiġjuż huwa marbut ukoll mal-missjoni filantropika tal-Malta Community Chest Fund.
L-avveniment iwiegħed li jkun ħafna aktar minn sempliċi tiġrijiet; il-programm jinkludi wkoll żona tal-logħob għat-tfal u festin wara t-tiġrijiet.
Tnax-il żiemel. Trofew wieħed prestiġjuż. Min se jiġi inkurunat champion tas-26 edizzjoni tal-EquestriMalta President’s Cup?!
