Tliet Indjani ġew arrestati u akkużati dwar il-qtil ta’ mexxej separatista Sikh fil-Kanada, liema qtil qanqal tilwima diplomatika kbira bejn iż-żewġ pajjiżi.
Hardeep Singh Nijjar, ta’ 45 sena, inqatel b’tiri f’Ġunju li għadda minn irġiel li kienu armati, bil-każ, li seħħ f’parkeġġ f’Vancouver.
Nhar il-Ġimgħa, meta ħabbar l-arresti, is-Supretendent Mandeep Mooker qal li t-tliet suspettati kienu Karan Brar ta’ 22 sena, Kamal Preet Singh ta’ 22 sena u Karan Preet Singh ta’ 28 sena.
Huwa qal li l-akkużati kienu ilhom jgħixu f’Edmonton, Alberta fejn ġew arrestati. It-tleta li huma, ġew akkużati bi qtil, kif ukoll b’konfoffa biex isir qtil.
Il-Pulizija żiedet tgħid li l-Pulizija qed ikomplu l-investigazzjonijiet, inkluż dwar konnessjonijiet mal-gvern tal-Indja.
