Tottenham Hotspur ingħaqdu fit-tellieqa biex jakkwistaw lill-attakkant ta’ Napoli, Victor Osimhen.
L-internazzjonali tan-Niġerja gawda minn bidu pożittiv tal-istaġun il-ġdida mal-Partenopei, fejn skorja erba’ gowls u pprovda assist wieħed fi tmien dehriet.
It-tliet gowls ta’ Osimhen f’sitt logħbiet tas-Serie A għenu lil Napoli jitilgħu fil-quċċata tal-klassifika hekk kif għandhom l-għan li jikkompetu għar-rebħ tal-Iscudetto, għalkemm tilef ftit ġimgħat tal-istaġun b’injury fil-hamstring.
