Il-President-elett tal-Istati Uniti Donald Trump innomina lil Brooke Rollins għal Segretarju tal-Agrikoltura. Huwa ħabbar dan tard is-Sibt waranosinhar fi stqarrija fejn qal li “bħala s-Segretarju tal-Agrikoltura li jmiss tagħna, Brooke se tmexxi l-isforzi biex ikunu protetti l-bdiewa Amerikani, li huma verament is-sinsla ta’ pajjiżna.
In-nomina ta’ Rollins timmarka t-tmiem tal-għażliet ta’ Trump għall-kabinett tiegħu – grupp ta’ 15-il konsulent li kull wieħed u waħda minnhom jmexxu entità fi ħdan il-gvern Amerikan. Kull persuna nominata tkun trid tiġi kkonfermata mis-Senat.
