Awstralja …….2
Niġerja ……….3
In-Niġerja wettqu sorpriża kbira meta għelbu lill-Awstralja bl-iskor ta’ 3-2 wara li kienu dawn tal-aħħar li fetħu l-iskor.
Dan il-goal wasal fl-ewwel minuta tal-ħin miżjud tal-ewwel taqsima, meta Emily van Egmond ikkonkludiet mill-pass ta’ Caitlin Foord.
Iżda fis-sitt minuta addizzjonali, in-Niġerjani kisbu d-draw minn Uchenna Kanu li b’kalma kbira għelbet lil Mackenzie Arnold.
Fil-65 minuta u fit-72 minuta, in-Niġerjani fetħu vantaġġ ta’ żewġ goals permezz ta’ daqqa ta’ ras ta’ Osinachi Ohale u minn Asisat Oshoala li approfittat minn indeċiżjoni bejn Alanna Kennedy and Mackenzie Arnold.
Maħsuda b’dawn iż-żewġ goals, l-Awstraljani kellhom jistennew sat-98 minuta biex Kennedy naqqset il-margni.
