Barcelona u Paris St-Germain saru l-ewwel żewġ timijiet li kkwalifikaw għas-semi-finali tal- UEFA Champions League meta fil-kwarti-finali għelbu b’aggregate lil Borussia Dortmund u Aston Villa minkejja li dawn tal-aħħar ħarġu rebbieħa fit-tieni leg.
Aston Villa…………….. 3
Paris St-Germain……. 2
(Agg: Paris SG 5-4)
Aston Villa dawru telfa f’rebħa biex għelbu lil Paris St-Germain bl-iskor ta’ 3-2 iżda kienu dawn tal-aħħar li għaddew b’aggregate ta’ 5-2.
Fil-11-il minuta, il-Pariġini fetħu l-iskor meta l-goalkeeper ta’ Aston Villa, Emiliano Martinez, ikkommetta żball biex Achraf Hakimi kien pront xeħet il- ballun fix-xibka.
Fit-28 minuta, huma rduppjaw minn Nuno Mendes li kkonkluda mill-cross ta’ Ousmane Dembele.
Iżda fit-35 minuta, il-Villans naqqsu l-marġni tal-iksor minn Youri Tielemans (35).
U f’temp ta’ tliet minuti, fit-tieni taqsima, huma skorjaw żewġ goals oħra permezz ta’ John McGinn (55) u Ezri Konsa (58).
Borussia Dortmund…. 3
Barcelona………………. 1
(Agg: Barcelona 5-3)
Barcelona marru għand Borussia Dortmund u sfaw megħluba bl-iskor ta’ 3-1 iżda kkwalifikaw b’aggregate ta’ 5-3.
Kienu Dortmund li fetħu l-iskor meta fil-11-il minuta ngħataw penalty li minnu Serhou Guirassy qarraq għal kollox b’Szczesny b’xutt á la Panenka.
Erba’ minuti mill-ftuħ tat-tieni taqsima, huma skorjaw it-tieni goal permezz tal-istess Guirassy.
Peró, il-Katalani għamlu reazzjoni u naqqsu d-distakk minn auto-goal ta’ Ramy Bensebaini (58).
Iżda Guirassy (76) reġa’ kien l-eroj tal-Ġermaniżi u minkejja li ġew eliminati żgur li ma ġewx umiljati.
