Meta ntlagħab it-tieni programm tat-tieni leg tal-kwarti-finali tal-UEFA Champions League, Arsenal u Inter qatgħu l-passaġġ mal-aħħar erbgħa.
Real Madrid…… 1
Arsenal…………. 2
(Agg: Arsenal 5-1)
Barra minn darhom Arsenal għelbu lil Real Madrid bl-iskor ta’ 2-1 għal aggregate ta’ 5-1.
Wara 13-il minuta, Arsenal fallew ċans kbir li jiftħu l-iskor meta ngħataw penalty iżda Bukayo Saka ra t-tentattiv tiegħu jiġi salvat mill-goalkeeper Thibaut Courtois. Iżda l-istess Saka (65) ta l-vantaġġ lill-Gunners. Peró żewġ minuti wara, Vinicius Jr kiseb id-draw għal Real Madrid filwaqt li Gabriel Martinelli (94) ta r-rebħa lil Arsenal.
Inter………………….. 2
Bayern Munich…….. 2
(Agg: Inter 4-3)
Inter għaddew għas-semi-finali meta spiċċaw fi draw ta’ 2-2 kontra Bayern Munich għal aggregate ta’ 4-3.
Wara taqsima bla goals, il-Bavarjani fetħu l-iskor minn Harry Kane (51) li kkonkluda mill-pass ta’ Leon Goretzka.
Iżda f’temp ta’ tliet minuti, in-Nerazzurri dawru telfa f’rebħa hekk kif skorjaw żewġ goals minn Lautaro Martinez (58) u Benjamin Pavard (61).
Peró Eric Dier (76) sab ix-xibka għal Bayern iżda l-iskor baqa’ ma nbidilx.
