F’partita mill-Fażi tal-Kampjonat tal-UEFA Conference League, Atalanta marru l-Olanda u sfaw megħluba bl-iskor ta’ 2-0 minn Ajax li kienu qed jirreġistraw l-ewwel rebħa tagħhom.
It-team Olandiż iddomina għal perjodi twal, iżda sab diffikultà biex jikkonverti l-okkażjonijiet f’goals. Il-goalkeeper ta’ Atalanta, Marco Carnesecchi, wettaq diversi saves importanti biex żamm lit-team tiegħu fil-partita.
Madankollu, Ajax fl-aħħar irnexxielhom jiftħu l-iskor fis-87 minuta meta s-sostitut Tolu Arokodare kkontrolla ballun twil mingħand Youri Baas qabel għeleb lil Carnesecchi b’konklużjoni preċiża.
Imbagħad, Ajax issiġillaw ir-rebħa fil-ħin miżjud permezz ta’ azzjoni personali ta’ Abdellah Ouazane.
