Bournemouth għelbu lil Milan bl-iskor ta’ 3-0 b’wirja dominanti fl-ewwel taqsima valida mill-Fażi tal-Kampjonat tal-UEFA Europa League.
Justin Kluivert fetaħ l-iskor minn penalty fit-tmien minuta wara li Koni De Winter ġie penalizzat għal handball. Is-sitwazzjoni għal Milan kompliet tikkomplika ruħha meta l-goalkeeper, Mike Maignan, tkeċċa fis-27 minuta talli imbotta lil Tyler Adams f’wiċċu.
Marcus Tavernier skorja mill-penalty mogħti wara t-tkeċċija, ħames minuti wara, biex irdoppja l-vantaġġ ta’ Bournemouth. It-team Ingliż kompla joħloq l-okkażjonijiet wara l-mistrieħ u fl-84 minuta skorjaw it-tielet goal permezz ta’ xutt imdawwar ta’ Amine Adli biex issiġilla din ir-rebħa.
