Is-Slovenja kisbu l-ewwel rebħa fl-istorja tagħhom kontra l-Iskozja, meta f’Hampden Park għelbuhom bl-iskor ta’ 2-1 u komplew inaqqsu t-tamiet tal-Iskoċċiżi għall-promozzjoni fil-UEFA Nations League.
L-Iskozja fetħu l-iskor fil-31 minuta, fl-ewwel attakk denju tagħhom meta Ryan Christie kkonkluda wara li daqqa ta’ ras ta’ Jack Hendry laqtet il-lasta.
Is-Slovenja għamlu reazzjoni fit-tieni taqsima u kisbu d-draw fil-57 minuta permezz ta’ Aljosa Matko, wara pass preċiż ta’ Danijel Sturm.
Erbatax-il minuta wara, Sturm skorja hu stess wara assist ta’ Matko biex issiġilla r-rebħa għas-Sloveni.
Ir-rebħa kienet tfisser li s-Slovenja jeħtieġu rebħa waħda minn żewġ logħbiet f’Novembru li ġej biex jikkwalifikaw għall-play-offs tal-promozzjoni, filwaqt li l-Iskozja jridu jirbħu ż-żewġ logħbiet li fadlilha.
