Spanja għelbu lill-Kroazja bl-iskor ta’ 2-1 fil-UEFA Nations League, grazzi għal żewġ goals ta’ Mikel Merino fit-tieni taqsima.
Il-Kroazja marru fil-vantaġġ fis-17-il minuta permezz ta’ Ivan Perisic, wara li Igor Matanovic kellu l-ewwel tentattiv salvat minn Unai Simon.
Spanja għamlu reazzjoni fit-tieni taqsima u kisbu d-draw fis-61 minuta permezz ta’ Merino, wara assist ta’ Dani Olmo.
Fid-79 minuta, il-Kroazja sofrew daqqa ta’ ħarta meta tkeċċa Perisic wara li ntwera t-tieni karta safra.
Imbagħad, żewġ minuti mit-tmiem, Merino ta r-rebħa lil Spanja meta kkonkluda mill-pass ta’ sieħbu fit-team ta’ Arsenal, Martin Zubimenti.
B’hekk, l-Ispanjoli baqgħu fil-quċċata ta’ Grupp A3 b’erba’ rebħiet minn erba’ logħbiet, filwaqt li l-Kroazja sofrew it-tieni telfa konsekuttiva.
