Il-coach tal-fitness tal-Irlanda, Damien Doyle, ilmenta li allegatament player Iżraeljan mhux identifikat beżaqlu waqt konfront fil-mistrieħ tad-draw ta’ 1-1 bejn iż-żewġ timijiet fil-UEFA Nations League, liema partita ntlagħbet fis-Serbja.
Il-logħba kienet mimlija tensjoni, b’relazzjonijiet diffiċli bejn iż-żewġ pajjiżi minħabba l-kunflitt f’Gaza. L-Irlanda kienet ittrasferiet il-logħba f’darha lejn is-Serbja minħabba tħassib dwar is-sigurtà. Qabel il-konfront, il-players Irlandiżi ma ħadux b’id l-avversarji u baxxew rashom waqt l-innu Iżraeljan.
Il-coach, Heimir Hallgrimsson, ikkonferma l-allegazzjoni u faħħar lill-players tiegħu talli żammew il-kalma biex is-sitwazzjoni ma eskalatx. Il-UEFA qalet li ma rċeviet l-ebda lment uffiċjali u għalhekk ma setgħetx tieħu azzjoni.
L-FAI qed tinvestiga wkoll allegat abbuż lejn Adam Idah minn partitarji Iżraeljani.
L-Irlanda tinsab it-tielet fi Grupp B3, filwaqt li l-Iżrael għandhom bżonn jirbħu iż-żewġ logħbiet li fadallu.
