UNL: Malta ttellgħet biex tilgħab kontra l-Lussemburgu

Meta l-Ġimgħa ittellgħu l-poloz tal-kwarti-finali u tal-promotion/relegation play-offs tal-UEFA Nations League, fil-kwar­tieri ġenerali tal-UEFA, Malta ttellgħet biex til­għab kontra l-Lussemburgu fil-League C/D play-off.

Peró, l-attenzjoni prinċipali kienet fuq il-kwart-finali bi tmien timijiet involuti jkunu r-rebbieħa tal-gruppi ta’ League A u dawk li temmew fit-tieni post.

Il-poloz irriżultaw hekk:

– Olanda v Spanja

– Kroazja v Franza

– Danimarka v Portugall

– Italja v Ġermanja

Dawn il-logħbiet jintlagħbu fuq żewġ legs, fl-20 u fit-23 ta’ Marzu, 2025.

Ir-runners-up jilagħbu l-ewwel leg f’darhom.

Ġew magħrufa wkoll is- semi-finali li ttellgħu hekk:

– Italja v Ġermanja/

        Danimarka v Portugall

– Olanda v Spanja/

                   Kroazja v Franza

Is-semi-finali jintlagħbu fuq leg wieħed, fl-4 u fil-5 ta’ Ġunju, 2025, rispettivament.

Il-logħba għat-tielet post u l-finali jintlagħbu, fit-8 ta’ Ġunju, 2025, bil-venue jitħabbar aktar tard.

League A/B Play-offs

Dawn il-play-offs se jintlagħbu bejn dawk it-timi­jiet  li spiċċaw fit-tielet post fil-gruppi ta’ League A kontra dawk it-timijiet li temmew fit-tieni post tal-gruppi ta’ League B.

Il-poloz irriżultaw hekk:

– Turkija v Ungerija

– Ukrajna v Belġju

– Awstrija v Serbja

– Greċja v Skozja

Dawn il-logħbiet jintlagħbu fuq żewġ legs, fl-20 u fit-23 ta’ Marzu, 2025.

Dawk it-timijiet li spiċ­ċaw fit-tielet post fil-gruppi ta’ League A jilagħbu l-ew­wel leg barra minn darhom.

League B/C Play-offs

Dawn il-play-offs se jintlagħbu bejn dawk it-timi­jiet  li spiċċaw fit-tielet post fil-gruppi ta’ League B kontra dawk it-timijiet li temmew fit-tieni post tal-gruppi ta’ League C.

Il-poloz irriżultaw hekk:

– Kosovo v Islanda

– Bulgarija v Irlanda

– Armenja v Georgia

– Slovakkja v Slovenja

Dawn il-logħbiet jintlagħbu fuq żewġ legs, fl-20 u fit-23 ta’ Marzu, 2025.

It-timijiet li spiċċaw fit-tielet post tal-gruppi ta’ League B ji­lagħbu l-ew­wel leg barra minn darhom.

League C/D Play-offs

Dawn il-play-offs se jintlagħbu bejn iż-żewġ timi­jiet  li spiċċaw bl-aħjar ammont ta’ punti fit-tielet post fil-gruppi ta’ League C kontra dawk it-timijiet li temmew fit-tieni post tal-gruppi ta’ League D.

Il-poloz irriżultaw hekk:

– Ġibiltá v Latvja

– Malta v Lussemburgu

Dawn il-logħbiet jintlagħbu fuq żewġ legs, fis-26 u fil-31 ta’ Marzu, 2025.

Ir-runners-up tal-gruppi ta’ League D jilagħbu l-ewwel leg f’darhom.