Alexander Zverev għadda għat-tielet round tal-US Open wara partita twila u eżawrjenti kontra Quentin Halys.
Il-Ġermaniż, li huwa l-ewwel seed u wieħed mill-favoriti għat-titlu, kellu bżonn erba’ sigħat u 33 minuta biex għeleb lill-Franċiż 6-4, 4-6, 7-6, 6-7, 6-3, u spiċċa l-logħba fis-2:15 am.
Din kienet it-tieni partita konsekuttiva ta’ ħames sets għal Zverev, li ammetta li jittama li jibda jilgħab aħjar.
Huwa sar l-ewwel top seed fl-era Open li lagħab żewġ partiti ta’ ħames sets fl-ewwel żewġ rounds ta’ Grand Slam.
It-triq tiegħu lejn il-finali kompliet tinfetaħ wara li Lorenzo Musetti u Alex de Minaur ġew eliminati. Zverev issa jiltaqa’ ma’ Alejandro Tabilo, li qatt ma tilef kontrih.
Sadanittant, Musetti tilef kontra l-Awstraljan Dane Sweeny wara problemi fiżiċi, filwaqt li de Minaur ġie eliminat minn Botic van de Zandschulp.
Fost il-players li għadhom fil-kompetizzjoni hemm ukoll Carlos Alcaraz, Daniil Medvedev u Taylor Fritz, iżda Zverev jista’ jiltaqa’ ma’ Alcaraz biss fil-finali.
