Valletta FC iffirmaw lil Federico Falcone.
L-attakkant Arġentin kien fuq il-kotba ta’ Birkirkara iżda l-perjodu tiegħu mal-Istripes spiċċa fi tmiem il-ġimgħa meta tħabbar li l-kuntratt tiegħu ġie tterminat.
Falcone ilu fuq il-kotba ta’ Birkirkara mill-2019 u għamel 75 dehra mal-klabb fejn skorja 28 gowl.
Għall-attakkant Arġentin dan se jkun it-tieni perijodu tiegħu mal-Beltin, wara li kien ingħaqad mal-klabb mill-kapitali fis-sajf tal-2015.