Liverpool ingħaqdu ma’ diversi timijiet Ewropej oħra li jixtiequ jiksbu l-firma tal-attakkant internazzjonali Niġerjan Victor Osimhen. Dan tal-aħħar jidher destinat li jqatta’ l-aħħar staġun ma’ Napoli sabiex imbagħad jagħmel iċ-ċaqliqa lejn xi tim ieħor.
Hu fatt magħruf li r-relazzjoni bejn Victor Osimhen u l-kowċ il-ġdid ta’ Napoli Rudi Garcia mhijiex daqshekk tajba. Hu ilu ma’ Napoli sa mis-sena 2020 fejn lagħab 91 partita u skorja 56 gowl. Hu kien parti mir-rebħ tal-Iscudetto tal-istaġun li għadda.
Sadanittant, il-kowċ ta’ Liverpool Jurgen Klopp jixtieq ħafna li jkollu lil Osimhen bħala parti mill-attakk tiegħu.
