Il-każ Cristiano Ronaldo għadu qed jiddomina attenzjoni kbira madwar it-team nazzjonali Portugiż, hekk kif il-captain falla t-taħriġ għat-tielet jum konsekuttiv qabel il-partita kontra d-Danimarka. L-assenza tiegħu wasslet għal diversi spekulazzjonijiet, iżda l-coach Jorge Jesus ċaħad li Ronaldo rrifjuta li jitħarreġ.
Jesus spjega li Ronaldo għamel xogħol fil-gym, eżerċizzji ta’ mobilità fil-ground u programm addizzjonali ta’ tisħiħ tal-muskoli fil-lukanda. Huwa qal li Ronaldo kellu jerġa’ jitħarreġ fir-raba’ jum u insista li ma kien hemm l-ebda kunflitt bejn il-player u l-istaff tekniku.
Il-coach spjega wkoll id-deċiżjoni tiegħu dwar il-ħin ta’ logħob ta’ Ronaldo, u qal li kien informa lill-attakkant li ma kienx se jibda ż-żewġ partiti. Madankollu, Jesus qal li seta’ jużah jekk ikun hemm bżonn matul il-logħba.
Jesus saħaq li d-deċiżjonijiet tekniċi huma tiegħu u li l-ebda player jew president ma jista’ jġiegħlu jibdel fehmtu. Huwa żied jgħid li kellu konversazzjoni ma’ Ronaldo wara li fil-Portugall bdiet tikber l-ispekulazzjoni dwar is-sitwazzjoni, iżda sostna li l-kwistjoni ġiet solvuta u li ma kien hemm l-ebda problema reali.
Sadanittant, l-assenza ta’ Ronaldo mill-aħħar sessjoni f’Copenhagen għadha mingħajr spjegazzjoni uffiċjali.
