Sljema għelbu lir-rivali eterni Neptunes bl-iskor ta’ 10-8, biex rebħu l-ewwel konfront dirett tal-istaġun. Detrimentali ferm għal Neptunes kienet l-assenza ta’ Filip Filipovic li kien ma jiflaħx u li nħass ferm mit-team mill-Balluta.
L-ewewl sessjoni ntemmet fi draw ta’ 3-3, bil-goals għal Neptunes jaslu minn Alec Fenech, Gabriel Pace minn man-up wara li tkeċċa Dino Zammit u Aleksandar Ivocic minn penalty. Dmitri Kholod minn penalty, Liam Galea u Jayden Cutajar minn man-up wara li tkeċċa Sam Gialanze wieġbu għas-Slimiżi.
Sliema rebħu t-tieni sessjoni bl-iskor ta’ 3-2, bl-awturi tal-goals għalihom ikunu Liam Galea, Andrija Prlainovic minn man-up wara li tkeċċa Gabriel Pace u Dmitri Kholod minn penalty. Jake Muscat minn man-up wara li tkeċċa Jayden Cutajar u Sam Gialanze skorjaw għal Neptunes.
Fit-tielet sessjoni Sliema ħadu r-riedni tal-logħba għal kollox f’idejhom meta skorjaw tlieta mingħajr rispsosta, bil-goals għalihom jaslu minn Dino Zammit (2) bl-ewwel goal għalih jasal minn man-up wara li tkeċċa Jake Bajada, u Dmitri Kholod minn penalty.
Neptunes wettqu reazzjoni tajba u rebħu l-aħħar sessjoni bl-iskor ta’ 3-1, fejn għalihom irnexxielhom iniżżlu isimhom fuq il-lista tal-iskorers Aleksandar Ivovic, Sam Gialanze u l-captain Stevie Camilleri. John Brownrigg skorja l-uniku goal għal Sliema.
Neptunes: 1-Alan Borg Cole, 2-Jake Muscat (1), 3-Sam Gialanze (2), 4-Gabriel Pace (1), 5-Mark Castillo, 6-Jake Bajada, 7-Stevie Camilleri (1), 8-Jordan Camilleri, 9-Aleksandar Ivovic (2), 10-Andreas Fava, 11-Alec Fenech (1), 12-Enrico Mallia, 13-Marco Rossi, 14-Dean Bugeja Coach: Dorian Pisani
Sliema:1-Nicky Grixti, 2-Jerome Gabarraetta, 3-Liam Galea (2), 4-Jamie Gambin, 5-Zach Mizzi, 6-Benji Cachia, 7-Jayden Cutajar (1), 8-Matthew Mifsud, 9-John Brownrigg (1), 10-Dmitrii Kholod (3), 11-Andrija Prlainovic (1), 12-Dino Zammit (2), 13-Andrew Bugeja, 14-Elijah Schembri Coach: Dejan Savic
Referees: Alex DeRaffaele, Alessandro Severo
