Il-Kumitat Eżekuttiv tal-Għaqda Ġurnalisti Sport bi pjaċir ifakkar li ninsabu eżattament xahar ‘il bogħod mis-serata finali tal-Għażliet Sportivi Nazzjonali li se ssir nhar is-Sibt 2 ta’ Marzu fil-Lukanda Westin Dragonara f’San Ġiljan.Dan l-avvenimemt se jiġi trasmess b’mod dirett fuq l-istazzjon sportiv TVMSport+ kif ukoll fuq il-mezzi soċjali tal-Għaqda Ġurnalisti Sport.Sadanittant, il-pubbliku għandu 30 ġurnata mil-lum sabiex jivvota għall-People’s Choice Award. Għal dan l-unur, din is-sena l-għażla se tkun b’100% televoting fuq in-numri tal-SMS rispettivi tagħhom, kif ġej Mario Bonello (Atletika) – 50615031 Clayton Castaldi (Pool) – 50615032 Gianluca Chetcuti (Trap Shooting) – 50615033 Brent Spiteri (Kickboxing) – 50615034 Matthias Spiteri (Ibburdjar) – 50615035 Sophie St John (Ġinnastika) – 50615036 Colette Sultana (Squash) – 50615037 Tenishia Thornton (Weightlifting) – 50615038 Rhona Xerri (Malta Rugby Football Union) – 50615039Il-pubbliku jista’ jivvota kemm-il darba jrid b’kull sms li jiswa’ €0.58 ċenteżmu bil-votazzjoni tintemm nhar is-Sibt 2 ta’ Marzu f’nofsinhar. Il-ħames finalisti tal-kategoriji l-oħra tradizzjonali se jiġu mħabbra nhar it-Tlieta 20 ta’ Frar 2024, filwaqt li s-semifinalisti tal-People’s Choice Award għamluha kollha għall-finali li se ssir nhar is-Sibt 2 ta’ Marzu 2024. Ir-regolamenti aġġornati tal-64 edizzjoni tal-Għażliet Sportivi Nazzjonali jinsabu f’dan il-link:https://www.maltasportsjournalists.com/ghazliet-sportivi-nazzjonali-rules-regulations-regolamenti/L-64 edizzjoni tal-Għażliet Sportivi Nazzjonali qed issir bil-kollaborazzjoni tal-Ministeru għall-Edukazzjoni, Sport, Żgħażagħ, Riċerka u Innovazzjoni, kif ukoll grazzi għall-isponsors li huma National Lottery, Atlas Insurance, Bank of Valletta, Enemed, Responsible Gaming Foundation u VisitMalta. |
Xahar ‘il bogħod mill-Għażliet Sportivi Nazzjonali
