Zabbar SP iffirmaw lid-difensur ta’ 19-il sena Shelom Magri b’self mingħand Birkirkara.
Prodott ta’ Birkirkara, Magri, li huwa player internazzjonali ta’ taħt il-21 sena, għamel id-debutt tiegħu fil-Premier League matul l-istaġun 2024/25.
Is-Saints, li qabel kienu kkonfermaw lil Gilbert Agius bħala l-kowċ tagħhom, s’issa ffirmaw lil Thomas Melillo, Kaiden Fenech u Charles M’Mombwa u kkonfermaw lil Jurgen Pisani, Strahinja Jovancic u Mario Fontanella.
