Tarxien Rainbows…………… 0
Zabbar St Patrick……………. 2
(wara l-ħin barrani)
Zabbar St Patrick għelbu lil Tarxien Rainbows bl-iskor ta’ 2-0 biż-żewġ goals jaslu fil-ħin barrani biex żammew il-profil tagħhom fl-ogħla diviżjoni u kkundannaw lir-Rainbows biex staġun ieħor jilagħbu fiċ-Challenge League.
Bl-azzjonjiet jalternaw minn naħa għal oħra, fit-32 minuta, il-coach ta’ Tarxien Rainbows, Jacques Scerri, talab l-intervent tal-FVS minħabba handball fil-kaxxa avversarja …. iżda r-referee Daniel Portelli ma ordna l-ebda penalty wara l-verifika meħtieġa.
Fl-44 minuta, Zabbar ħasbu li fetħu l-iskor meta Nicholas Agius għeleb żewġ avversarji u fajjar xutt li deher li qabeż il-linja fatali iżda l-goal ġie mħassar minħabba pożizzjoni ta’ offside.
Fit-53 minuta, Tarxien appellaw għal penalty għal foul fuq Nhaysonn da Silva Rosa, iżda wara ntervent tal-FVS, ir-referee Daniel Portelli ma ordna l-ebda penalty.
Bir-riżultat jibqa’ dak ta’ mingħajr goals, kien hemm il-ħtieġa li l-partita tmur fil-ħin barrani.
U fil-108 minuta, iż-Żabbarin fetħu l-iskor meta meta mill-cross ta’ Pedro Santiago Cejas, minn taħt il-lasti AYOM MAJOK AYOM xeħet fix-xibka.
Fil-117-il minuta, Zabbar ingħataw penalty wara li Luis Felipe Rodrigues ġie mwaqqa fil-kaxxa. Il-penalty ġie konfermat wara li Daniel Portelli ġie mitlub jivverifikah mill-FVS iżda l-coach Żabbari, Gilbert Agius, reġa’ talab l-intervent tal-FVS wara li kien hemm diversi battibekki bejn il-players.
Wara li saru l-verifiki meħtieġa, Portelli wera l-karta s-safra lill-captain tar-Rainbows, Claudio Henrique.
Mill-11-il metru Mario Fontanella għeleb lill-goalkeeper Spiteri b’xutt b’ saħħtu.
Żewġ minuti wara, it-Tarxiniżi spiċċaw bi player inqas wara li Claudio Henrique ntwera it-tieni karta safra wara li ta daqqa ta’ minkeb lil Brian Gambarte.
Tarxien R.: Miguel Spiteri, Ali Gaafar, Anthony Lokosa (Patrick Schmidt 74), Claudio Henrique, Junior Erico de Oliveira (Angel Valverde 58), Sheldon Mizzi (Miguel D’ Alessandro 119), Luke Anthony Borg, Nhaysonn Da Silva Rosa, Kwasi Donsu (Manyulak Aguek 80), Marko Musulin, Petar Panic – Coach: Jacques Scerri
Zabbar SP: Manuel Issufe Djalo, Pedro Santiago Cejas, Brian Gambarte, Nicholas Agius (Luis Felipe Rodrigues 79), Jake Micallef, Ayom Majok Ayom (Izaak Etim Akpan 121), Zean Leonardi, Zven Polidano, Vinicius De Paiva, Kean Scicluna, Mario Fontanella (Liam Micallef 119) – Coach: Gilbert Agius
Referee: Daniel Portelli
assistenti: Jurgen Spiteri, Max Lee Muscat
Raba’ Uff.: Joseph Scerri
Skorers: A. Majok 108, M. Fontanella 117 pen (ZSP)
Ammoniti: L. Borg (TR); B. Gambarte, J. Micallef, Z. Leonardi, M. Fontanella (ZSP)
Tkeċċa: C. Henrique 121 (NL)
Player tal-Logħba: Mario Fontanella
