Id-diriġenti ta’ Brighton and Hove Albion għadhom kemm laħqu ftehim ma’ żewġ plejers minn tagħhom li eventwalment ġeddew il-kuntratt eżistenti.
Fil-fatt it-tim li hu kkowċjat mit-Taljan Roberto De Zerbi ġedded il-ftehim mal-goalkeeper espert Jason Steele li għandu 32 sena. Fl-istess waqt, huma ftiehmu wkoll mal-midfielder offensiv Rada Khadra sas-sena 2024. Minkejja kollox, dawn tal-aħħar se jċeduh b’self minn dan ix-xahar ma’ Birmingham City sal-aħħar ta’ dan l-istaġun.