DWIGHT McNEIL u BRENNAN JOHNSON – Everton u Crystal Palace lestew il-ftehim ta’ skambju li jinvolvi lil Dwight McNeil, 26 sena, u Brennan Johnson, 25 sena. It-Toffeemen ikkonfermaw li Johnson ffirma kuntratt ta’ erba’ snin filwaqt li McNeil se jimxi fid-direzzjoni opposta lejn Selhurst Park u qabel ukoll ftehim sal-2030.
MICKY VAN DE VEN – Id-difensur ta’ Tottenham, Micky van de Ven, jgħid li “d-direzzjoni li l-club irid jieħu hija ċara” wara li ffirma ftehim ġdid fit-tul ma’ Spurs. L-internazzjonali Olandiż ingħaqad minn Wolfsburg fl-2023 oriġinarjament bi ftehim ta’ sitt snin sal-2029. Huwa għen lil Spurs jirbħu l-Europa League fl-2025.
PALHINHA – Aston Villa qegħdin f’taħditiet dwar trasferiment għall-midfielder ta’ Bayern Munich, Joao Palhinha, 31 sena, bl-internazzjonali Portugiż, sar mira għall-Villa wara li Amadou Onana sofra injury fil-ligament kruċjat anterjuri fl-irkoppa tal-lemin tiegħu waqt li kien qed jilgħab għall-Belġju fit-Tazza tad-Dinja.
RONALD ARAUJO – Liverpool iffirmaw lid-difensur ċentrali tal-Urugwaj, Ronald Araujo, 27 sena, b’self għal staġun sħiħ mingħand Barcelona. Il-ftehim għall-player li ngħaqad ma’ Barca mill-club Urugwajan, Boston River, fl-2018, jista’ jilgħab ukoll bħala difensur lemini, jinkludi għażla ta’ xiri.
AYYOUB BOUADDI – Manchester City qed joqorbu lejn l-akkwist ta’ Ayyoub Bouaddi, 18-il sena, mingħand Lille, li jistmaw il-midfielder Marokkin £85 miljun.
MARTIN ZUBIMENDI – Real Madrid huma interessati li jiffirmaw lill-midfielder Spanjol rebbieħ tat-Tazza tad-Dinja, Martin Zubimendi, 25 sena, mingħand iċ-champions tal-Premier League, Arsenal.
GABRIEL MARTINELLI – Il-club Taljan, Roma, kellu taħditiet inizjali mar-rappreżentanti ta’ Gabriel Martinelli, 25 sena, hekk kif qed jesploraw trasferiment għall-winger ta’ Arsenal u l-Brażil.
TIJJANI REIJNDERS – Manchester City huma konxji tal-interess minn Nottingham Forest fil-midfielder Olandiż tagħhom, Tijjani Reijnders, 28 sena, li ġie ffirmat mingħand Milan fis-sajf li għadda għal £46 miljun iżda ma kellux post regolari fit-team.
BRADLEY BARCOLA – L-attakkant Bradley Barcola, 23 sena, ta l-approvazzjoni lil Liverpool minkejja li Arsenal għamlu offerta għal trasferiment tard għall-player ta’ Paris St-Germain u Franza, li huwa stmat li jiswa madwar £130 miljun.
ALESSANDRO BASTONI – Id-difensur ta’ Inter u l- Italja, Alessandro Bastoni, 27 sena, u l-midfielder ta’ Crystal Palace u l-Ingilterra, Adam Wharton, 22 sena, għadhom ta’ interess għal Real Madrid, li huma intenzjonati li jagħmlu tliet akkwisti oħra dan is-sajf.
DJED SPENCE – Id-difensur ta’ Tottenham u l-Ingilterra, Djed Spence, 26 sena, reġa’ lura fuq l-aġenda ta’ Inter wara t-taħbit tagħhom biex jiffirmaw lill-eks winger ta’ Aston Villa u Franza, Moussa Diaby, mingħand Al-Ittihad.
REISS NELSON – West Ham qegħdin ukoll f’taħditiet ma’ Arsenal biex jiffirmaw lil Reiss Nelson, 26 sena, bil-winger Ingliż qatta’ l-aħħar żewġ staġuni b’self ma’ Brentford u Fulham.
MATIAS FERNANDEZ-PARDO – Atletico Madrid nedew offerta ta’ £30 miljun għall-attakkant Belġjan ta’ Lille, Matias Fernandez-Pardo, 21 sena, li qed jattira wkoll interess minn Arsenal u Liverpool.
