Kevin Azzopardi, il-Kap Eżekuttiv tal-Awtorità għall-Integrità fl-Isport Malti (AiMS), ħa sehem f’diskussjoni waqt il-workshop tal-ftuħ ta’ SiGMA World 2026, li qed isir f’Ruma.
Il-workshop, immexxi mill-International Betting Integrity Association (IBIA) u bit-titlu “Beyond the Alert: Betting Intelligence and the Investigation Process”, esplora kif twissijiet dwar l-imħatri u informazzjoni miġbura mill-operaturi tal-imħatri jistgħu jgħinu lill-investigaturi jidentifikaw każijiet potenzjali ta’ match-fixing u jsegwu ħjiel rilevanti.
Id-diskussjoni enfasizzat l-importanza tal-kollaborazzjoni bejn l-operaturi tal-imħatri, l-organizzazzjonijiet sportivi, ir-regolaturi u l-awtoritajiet tal-infurzar tal-liġi matul il-proċess kollu tal-investigazzjoni.
Is-sessjoni tmexxiet minn Antonio Abdilla Zerafa,
il-Manager tal-Affarijiet Regolatorji fl-International Betting Integrity Association.
Flimkien mas-Sur Azzopardi, fuq il-panel kien hemm:
– Silvia Paleari – Kap tal-Affarijiet Korporattivi, International Betting Integrity Association (IBIA)
– Martha Brincat – Uffiċjal Kap Regolatorju, Malta Gaming Authority (MGA)
– John Nolan – Maniġer tal-Investigazzjonijiet, International Tennis Integrity Agency (ITIA)
– Richard Evina Engolo – Uffiċjal tal-Intelliġenza Kriminali, INTERPOL
