Nhar il-Ħadd 8 ta’ Novembru, sar l-avveniment nazzjonali tal-Armwrestling f’Malta.
Il-kompetizzjoni saret fil-kumpless prestiġjuż ta’ Bay Street, fejn ħadu sehem 25 atleta. Dawn l-atleti jitħarrġu fil-gym Challenger f’Ħal Qormi u fil-gym Kinetica fix-Xewkija, Għawdex. Għal dan l-avveniment attendew ukoll għadd konsiderevoli ta’ spettaturi.
Il-kompetizzjoni bdiet bil-kategorija tax-xellug għal atleti taħt il-75 kilogramma, fejn il-klassifika kienet din:
Id taħt il-75 kilogramma – Xellug
1. Jake Falzon
2. Kyane Vella Smith
3. Stefan Pasare
Din il-kategorija kienet segwita minn dik tal-atleti taħt id-90 kilogramma.
Id taħt id-90 kilogramma – Xellug
1. Nikola Jancic
2. Brian Thom Muscat
3. Braden Cutajar
Id ‘il fuq minn 90 kilogramma – Xellug
1. Xhulio Halili
2. Daniel Tabone
3. Antoine Qama
Wara l-kategoriji tax-xellug, imiss il-kompetizzjonijiet bl-id il-leminija.
Id taħt il-75 kilogramma – Lemin
1. Melvyn Agius
2. Jake Falzon
3. Stefan Pasare
Id taħt id-90 kilogramma – Lemin
1. Braden Cutajar
2. Bram Thom Muscat
3. Nikola Jancic
Id ‘il fuq minn 90 kilogramma – Lemin
1. Antoine Zammit
2. Xhulio Halili
3. Renald Zammit
L-aktar kategorija mistennija kienet dik tal-id il-leminija għall-atleti ‘l fuq minn 90 kilogramma.
Antoine Zammit, li kien rebaħ ukoll din il-kategorija s-sena l-oħra, reġa’ ħareġ rebbieħ b’mod konvinċenti. Huwa wera superjorità fuq l-avversarji tiegħu u kiseb ir-rebħa mingħajr wisq diffikultà.
Fit-tieni post spiċċa Xhulio Halili, li għandu oriġini Albaniża u huwa Għawdxi, u li kien kiseb ukoll it-tieni post fil-kompetizzjoni tas-sena l-oħra. Fit-tielet post spiċċa Renald Zammit.
Wara dawn il-kompetizzjonijiet saret il-kategorija Overall, li fiha kkompetew ir-rebbieħa u dawk li spiċċaw fit-tieni post fit-tliet kategoriji tal-id il-leminija.
Antoine Zammit reġa’ kiseb l-ewwel post, segwit minn Xhulio Halili, bl-istess ordni li fiha spiċċaw fil-kategorija tal-atleti ‘l fuq minn 90 kilogramma. Fit-tielet post spiċċa Nikola Jancic, li huwa wkoll is-segretarju, it-trejner u r-referee tal-klabb.
Iċ-champion ta’ Malta u rebbieħ tal-kategorija Overall
Ir-rebbieħa ġenerali kienu Antoine Zammit, Xhulio Halili u Nikola Jancic, flimkien mal-president David Apap.
Jake Falzon rebaħ il-kategoriji tax-xellug u tal-lemin għall-atleti taħt il-75 kilogramma.
Nikola Jancic rebaħ il-kategorija tax-xellug għall-atleti taħt id-90 kilogramma.
Fil-kategorija tax-xellug għall-atleti ‘l fuq minn 90 kilogramma, dehru Daniel Tabone, il-president David Apap, Xhulio Halili u Angjelo Qama.
Il-kompetizzjoni kienet organizzata mill-Malta Armwrestling Federation. Il-klabb jinsab fit-13-il sena mit-twaqqif tiegħu u jipparteċipa regolarment f’avvenimenti internazzjonali.
Antoine Zammit kiseb ukoll it-tielet post fil-kategorija ta’ taħt id-90 kilogramma f’kompetizzjoni li saret f’Dobra Voda, fis-Slovakkja. Min-naħa tiegħu, Xhulio Halili spiċċa t-tielet fil-kategorija ta’ aktar minn 100 kilogramma, ukoll fis-Slovakkja, u r-raba’ f’kompetizzjoni oħra fl-Iżvizzera.
Atleti Maltin oħra kisbu wkoll riżultati pożittivi fl-Iżvizzera.
Lejn l-aħħar ta’ Novembru, il-Federazzjoni se tkun qed tipparteċipa wkoll f’kompetizzjoni fi Sqallija.
Dawk li jixtiequ jingħaqdu ma’ dan l-isport jistgħu jagħmlu kuntatt mal-Federazzjoni permezz tas-sit elettroniku tagħha www.maltaarmwrestling.com jew permezz tal-paġna tagħha fuq Facebook, Malta Armwrestling Events.
