Il-Ministeru għas-Saħħa għadu kemm ġie infurmat li anzjan ta’ 85 sena li kien pożittiv bil-Covid-19 miet.
L-anzjan kien ikkonfermat pożittiv għall-Covid19 fit-12 ta’ Settembru meta ddaħħal l-Isptar Mater Dei. Huwa miet fl-Infectious Diseases Unit, fl-Isptar Mater Dei, illum.
Huwa kellu kundizzjonijiet ta’ saħħa ulterjuri.
Il-Ministeru għas-Saħħa, filwaqt li jagħti l-kondoljanzi lill-familjari tal-anzjan, jappella biex il-poplu jibqa’ jsegwi l-appelli tad-Dipartiment tas-Saħħa, fosthom il-ħasil tal-idejn ta’ spiss, id-distanza soċjali u l-użu tal-maskra.