Anzjan li joqgħod Leicestershire, l-Ingilterra, reġa’ sab ċurkett wara li kien tilfu madwar 50 sena ilu. Dan iċ-ċurkett kellu valur sentimentali għalih għax kien qalgħu m’għand ommu bħala rigal meta għalaq il-21 sena. Iżda sfortunatament kien tilfu fl-1968 waqt li kien qed qed jiġbor il-frawli mill-għalqa ta’ missier ħabib tiegħu.
Huwa kien dam is-sigħat ifittxu bit-tama li jsibu iżda ma rnexxilux. Minħabba li ċ-ċurkett kien ftit kbir għal subgħajh, ma kienx induna mill-ewwel li tilfu.
Ix-xahar li għadda, persuna li tipprova tagħmel skoperti fuq oġġetti mitlufa rnexxielha ssib iċ-ċurkett wara li ġiet infurmata mingħand l-istess sid dwar dan iċ-ċurkett u l-istorja tiegħu.
L-anzjan irċieva telefonata mingħand il-ħabib tiegħu li ċ-ċurkett instab għalhekk ferħan se jtir b’din is-sejba mar għandu biex jiġbru.
Huwa rrakkonta kif il-familja tiegħu ma kinitx f’qagħda finanzjarja tajba f’dawk iż-żminijiet għalhekk iċ-ċurkett kien ifisser ħafna għalih. Huwa spjega kemm ommu kienet imdejqa, mhux għax tilef iċ-ċurkett imma għax kienet tara lilu mdejjaq wara li baqa’ ma sabux.
